[FACE周刊第180期]面對面 麥包故事　麥長青
共 7968 浏览 7 回帖&&
积分: 27992
发帖: 74840 篇
在线时长: 1006 小时
[FACE周刊第180期]面對面 麥包故事　麥長青
[FACE周刊第180期]面對面 麥包故事　麥長青
42歲的麥長青，花名麥包，最近多了個稱號——「非凡哥」。食兄弟夾棍、搞兄弟老婆、接着據說連漢奸走狗都撈埋，呢期風頭比「劉醒」黎耀祥更勁的非凡哥，不用多介紹。
訪問約在上週三下午，從洗衣街的港九潮州公會中學禮堂開始。藝進同學會最近和油尖旺滅罪會合作，在區內十間學校巡演禁毒話劇，身為藝進副會長兼導演的麥包，最後在老師隆重介紹下壓軸上台，用非凡哥的口脗，跟台下興奮莫名的中學生們講話：「就算學非凡哥食屎都唔好吸毒呀！」
接着，我們去花園街拍照，不用五分鐘，一百幾十部手機、相機對準非凡哥，人流迅速聚集堵塞花園街口，兩名巡警也不知道從那裏及時冒了出來：「係咪聚會？喺公眾地方聚會要事先申請喎！」
台慶劇《巾幗梟雄之義海豪情》才播到第三週，第一奸角「非凡哥」才剛露出真面目，已經得到這種回響、出趟門已經這等駕勢，我問麥包：「人人都識你非凡哥、台慶男配角未有提名已經係大熱，入行 23年，終於等到？」
「非凡哥」聽了，很平靜地搖了搖頭：「當年做《閃電傳真機》，都係個個小朋友見到我都興奮；《西遊記》又係出街個個都嗌我沙僧……結果呢？電視台唔會冇咗你就唔得，無謂諗多咗，叫得做演員本來就應該要識做戲。」
麥包不是下一個黎耀祥。麥包故事，是個打了一份工 23年，盤算着怎樣再辛勤些、如何讓老婆和一對兒女生活更有保障的香港故事。
外形敦厚、生得大大嚿，以往的角色盡是沙僧、高大威和甚麼大強、阿牛之類，麥包竟然也能演活人見人憎連監製李添勝都爆粗鬧的「非凡哥」，這就是演技。同事都說，麥包今次上硬位、麥包可能就是下一個黎耀祥，麥包說：「你哋諗多咗！」
「咁講，因為我試過諗多咗…… 99年，《茶是故鄉濃》，阿牛都係一個人人都讚嘅角色。我係有啲飄飄然，心諗，演咗 12年，呢下就係我一路等緊嗰個機會……結果，套劇做完，冇晒聲氣，連工都幾個月冇得開，下個劇本到手，又係行行企企……等於廚師就係要煮得一樣，做戲係本分，演員唔識做戲叫咩演員呢，唔好諗太多，就唔會有無謂嘅情緒起落！」
「非凡哥」犯眾憎代表作之一，就是常常和劉妻（江美儀）眉來眼去，假公濟私調走劉醒方便二人通姦。
無綫版《西遊記》，孫悟空從張衛健換上陳浩民，唐僧（江華）、豬八戒（黎耀祥）、沙僧（麥長青）則是做足兩輯，深入民心。
以前試過俾前女友個老豆當面數落，我份電視台人工連交電費都唔夠，佢冇講錯喎！
就算冇獎攞、冇位上，我問麥包，起碼能趁人氣急升跟電視台揮加薪，麥包又搖頭：「憑咩？電視台咁多人，又唔係冇咗你唔得，反正我唔係靠嗰份糧開飯，唔係真係唔夠食！」
中學未畢業，就參加無綫電視舉辦的《超級新星大賽》選舉，繼而加入藝訓班簽約無綫，至今仍然是合約藝員。效力無綫超過 23年，麥包說演戲是興趣，買樓養車、供養父母老婆、還有一對兒女供書教學以及正在儲備的大學基金，靠的都是登台、做司儀拍廣告，以及自家經營的公關公司：「以前試過俾前女友個老豆當面數落，我份電視台人工連交電費都唔夠，佢冇講錯喎！就算我外父，當年老婆有咗大女，都係咁講：『我個外孫唔使一定有老豆，我自己都養得掂！』」
87年簽無綫，麥長青做完兩年戲劇組老臨加入《閃電傳真機》，一做五年，「麥包哥哥」從此入屋。
麥包在廣東順德出世， 12歲來港，父親是鐘表推銷員，母親是家庭主婦，加上兩個弟妹，一家五口住了七層徙置區多年等上樓。說起錢，麥包說父親太安守本分，太沒有野心，公屋到手就一輩子心滿意足：「外父講得一啲都冇錯，換着我個女搵個老公搵唔到錢，我肯定寸過佢十倍！咁點啫？同我老婆當年跟我一樣，兩個人要一齊冇嘢阻得到，惟有我勤力啲留畀個女同女婿囉！」
曾經在西貢置業，亦跟朋友合資做過生意，五年前母親和弟弟同時重病，賠錢賣樓，又被朋友出賣血本無歸，欠了銀行一屁股債，差點連兒女學費也交不起，窮途末路，麥包把心一橫膽粗粗自薦幫商場搞宣傳，想不到卻殺出一條血路：「到o依家間公關公司都係得我一個人做，力不到不為財嘛！本來諗住慳，但當時我嘅家庭啱啱起步就話縮，始終唔係辦法！」
做商場公關顧問，第一炮先成功幫鰂魚涌香港水族廣場成功轉型，做出名堂度過難關，兩年前麥包還清了債項再次置業，現在是多間港九小型商場的公關顧問，收入比電視台份糧多幾倍：「o依家啲小朋友慣咗依賴，咩冇樓女朋友唔肯嫁、等政府幫喎！我哋邊個唔係靠自己？日本人三代供一層樓咪又係咁供！我細細個就同細佬妹喺南山邨天橋底一蚊一打牛仔褲剪線頭賺家用啦！孔子二千年前已經講緊，幼有所長，老有所養，大人拼搏小朋友自然有樣學樣。第時世界係點冇人知，求學不是求分數，做個榜樣話畀仔女聽，唔怕跌低、愈快彈起身、生命力強最緊要！」
蝕錢事小，五年前麥包遇上的真正低潮，還是 25歲的弟弟突然患上腎臟腺腫瘤離世：「冇人知點解，個病例好罕見，伊利沙伯醫院有史以來第二個病人……佢在生時，我成日出去做嘢時同佢講：『得啦！返嚟見……得啦！返嚟玩……』原來所有嘢唔係你得閒見、想見時就喺度，唔係理所當然！工要開、錢要搵，我仲要好多理想想達成，不過o依家最重要都係留啲時間畀屋企人，冇嘢重要得過家！」
做沙僧、定 95年扮嘢拍《娛樂插班生》，隔籬都有個今日已經是視帝的黎耀祥，難怪人人都拿人氣急升的非凡哥跟黎耀祥比。
麥包有一對兒女，女兒淳琳今年 10歲，兒子振瑋今年 8歲，名字都有「玉」字邊，寓意是父母心目中最珍貴的寶貝：「個女同個仔性格啱啱相反，阿女外向阿仔就黐家。人哋話，女兒係爸爸上輩子情人，真 o架，阿女十足十拍緊拖嘅女朋友仔咁，識得氹我識得食住我。郁啲就話嬲我、以後都唔睬我，又打畀我阿媽：『你個仔又鬧我啦，你快啲話吓佢啦！』轉頭又會走出嚟話：『哎吔，我點會唔睬你啫，你係我爸爸嘛，我一世都會咁愛你 o架！』個仔呢就好嗲，瞓覺成日要我陪，我話佢係男仔要勇敢啲自己瞓，佢就蠱蠱惑惑返上床，然後喺房不停嗌出嚟：『爹哋呀，未 kiss kiss呀！你入嚟先啦，坐陣先啦！』然後趁機等我入咗去就唔畀我走……
仲有太太，做男人，最重要係搵到個肯同你一齊捱嘅人，我好開心自己冇睇錯人，咁多年咁多難過嘅時候，有佢支持；我出去搏殺，佢喺屋企幫我照顧好父母同仔女，維繫起成個大家庭。有時始終對老婆有愧意，收入不夠穩定、離心目中想畀屋企人嘅保障仲差好遠，咪再勤力啲囉！」
太太林孜，相識三年撻着，撻着 8個月就迅即有餡結婚：「重要嘅係搵到嗰個同自己目標一致、肯一齊捱嘅人。」《蘋果日報》圖片
人氣急升，立即被記者追訪私生活：「狗仔隊對我算難得，都係影我陪老婆仔女食飯，全部好嘢。」《蘋果日報》圖片
請投麥包一票
說的不是台慶最佳男配角網上投票，而是麥包說其實有興趣從政，不過捨不得趁孩子小，好好享受親子時間，要過多十年八年再認真考慮。
「政府啲禁毒廣告拍得太抽象，現實比睇到嘅可怕殘忍十倍，見到真相仲邊有小朋友敢試？」
「人哋啲總統，屋企幾代都有政治背景，香港高官，連真正紮根香港都少，田北俊田北辰話佢哋喺英國酒庫有幾多酒喎……咁你返英國啦！」
「西九文化，你做畀我睇啦，又唔識文化又唔識建築，你畀個問卷我、畀個圖則我做乜？呢啲咪假民主囉！邊個搞到假民主？咪啲人迫政府囉！……」
政見多多一輪嘴一講半粒鐘，好不容易轉話題，有份做舞台劇的譚玉瑛姐姐跟我說：「你好嘢喎，頂得佢順……」
沒想到吧，「非凡哥」的大志竟然是紮根香港造福人民，我頂得順是因為聽起來確實有些道理。投完最佳男配角，若干年後的麥長青議員，我想我也會投他一票。
撰文︰朱小博
攝影︰蔡榮章
形象︰ Bryan@the Flaming
服裝︰ Ben Sherman
11:23:40 被【】修改
网易论坛，天天相伴
爬过多少座山坡 笑看日出日落
boboHtml = '';
html += boboH
NTES(".bobo-list").attr("innerHTML", function() {
return this.innerHTML +
}, "utf-8");
积分: 27995
发帖: 74841 篇
在线时长: 1006 小时
第 180 期 face 週刊
封面 王菲少理　後父錫晒親生女　童童變TB look波牛
辛苦晒 嫁嫩闊少　慘過子淇　大S犀利奶奶：生夠12個
升胸奇遇 升兩cup變G奶　浸大Carol：墜得好辛苦！
三把火 志雲黨瓦解　TVB新官隊冧福祿壽 大鉸剪 《義海》無情　法拉悶戲輸畀骨嫲棺材
大水彈 水戰發曆　32F夾胸濕晒　Caroline：我慣咗真空！
U Star 校花校草10強決賽前夕銅鑼灣拉票
U Star 10.11.2010大專校花校草大選 x 九展明星show
FBI File Angelababy可大可小
FBI File 嘩！夏蕙姨膠紙拉面皮
FBI File Rosemary玩殘自己
FBI File 曹敏莉睇得開 FBI File 崔建邦猛料助手 FBI File 呂慧儀玩Pocket Frogs
FBI File G.E.M.夠搶手
FBI File 孫耀威離奇白色iphone 4
驗衣官 關注冬日配飾
facebook頭條 宅男短片威到瑞士　電車正妹純殼撼低瑤瑤
facebook驚喜 烈女
FBI File Selina動起來
FBI File 林志玲鄭元暢鬥八婆
FBI File KARA追打AKB48
FBI File 小豬楊丞琳行埋4個月
西面 Jackass 3D酷刑
FACEweekly 衛蘭Roger　神的禮物
面對面 麥包故事　麥長青
星座達人 愛情夢
网易论坛，天天相伴
爬过多少座山坡 笑看日出日落
积分: 27996
发帖: 74841 篇
在线时长: 1006 小时
[FACE周刊第180期]三把火 志雲黨瓦解　 TVB新官隊冧福祿壽
阮兆祥︰多啲火花係好嘅！(真實對白)
王祖藍︰對我哋節目好有信心！(真實對白)
李思捷︰係真先算啦！(真實對白)
《蘋果日報》圖片
明年初政府扑鎚免費電視牌照，加埋無綫亞視， 5個免費電視台鬥餐死，小小超李澤楷旗下的電訊盈科近來招兵買馬，財雄勢大，無綫好難再一台獨大。
據知，掌管無綫綜藝科嘅製作總監何麗全去意已決，過檔埋小小超堆。為應付大戰，無綫急撬台灣綜藝節目大哥大、前亞視製作副總裁鄭偉強入主綜藝科接手揸旗。
鄭偉強下月新官上任，據知首要任務係重整《獎門人》兼重新打造《荃加福祿壽》。開山劈石，何只三把火！
由阮兆祥、李思捷和王祖藍孭飛的《荃家福祿壽》 hit到將於今年開演唱會，但據知鄭偉強入主無綫綜藝科後，《福祿壽》將會成為主要改革對象，對此李思捷說：「係真先算啦！」
自前總經理陳志雲被 ICAC起訴後，陳總親信盤崩瓦解，據知本有心留低的何麗全，亦因陳總復職無期，加上有意爭取新免費電視牌照的李澤楷銀彈攻勢，故何麗全將於三月正式過檔小小超新檔。
何麗全起身，據知無綫集團總經理李寶安親自斟掂、曾製作台灣《康熙來了》和亞視《香港亂噏》同《亞洲星光大道》的綜藝老手鄭偉強頂上，知情者說：「《福祿壽》根本用番幾十年前《歡樂今宵》嗰套，扮嘢都可以有內容，總之阿鄭（鄭偉強）就一定會推倒重來，唔會照抄出街。」
上週五（ 29日）鄭偉強電話回應話：「離開咗 TVB 21年，今次係返台灣 TVBI負責製作嘅嘢，（係咪會返香港代何麗全？）我唔知何生係咪唔做，不過所有嘢都等公司安排啦，我到o依家都未知喺台灣做咩位 o架，（有冇新搞作帶番 TVB呀？）有呀，諗咗 o架啦，不過等我返咗工先話你知啦，我 12月先正式就職！」
超強老細上場，首當其衝嘅《福祿壽》就各有睇法，阮兆祥話：「一向人哋都覺得 TVB戲劇組較強，綜藝開始有改善，多個人，多個腦嘛！改革係好事，咁先會令節目更好，如果何生真係唔做，我會覺得好可惜，不過唔會話舊人走就影響節目，有新人新火花係好，唔係火爆咪得囉！」
而週一（ 1日）王祖藍出席活動時就話：「我剛剛去過台灣，佢哋嘅綜藝真係比較出色，但《福祿壽》都係我哋自己度橋，講模仿節目，冇一個比《福祿壽》好，就算改革，都係為迎合觀眾啫！」至於有傳將於 3月離任的何麗全則說：「我係咪離開 TVB唔再講喇，我個位個個都坐得，鄭生喺呢行好耐，佢好有經驗！」
《獎門人》都要執
連我都搞！設計對白
由 95年起開始播出的《獎門人》系列，節目概念亦是源自台灣，但可惜玩法欠新意收視一度跌至 26點，據知亦是鄭偉強另一改革重點，難怪志偉曾說：「話咗唔做，無端端又做。」
金牌製作人夠創意
現年 61歲的鄭偉強， 7年前在台灣中天電視台製作了《康熙來了》和《全民最大黨》等受歡迎節目，去年 3月鄭偉強入主亞視綜藝科後，又在有限資源下創作了《香港亂噏》和主理第一屆《亞洲星光大道》，造就了盧海鵬扮周秀娜和羅力威的網上熱話，可惜亞視股東頻換，鄭偉強亦黯然離職，難怪鄭說：「我對亞視感到好無奈。」
鄭偉強入主無綫綜藝科後，相信跟無綫現任製作資源總監樂易玲更多合作機會。
鄭偉強六十年代已在無綫美術部任職，跟不少紅星如劉德華等都十分熟絡。
鄭偉強有份製作的《康熙來了》令主持蔡康永和小 S急彈，節目播出 7年，至今仍是台灣綜藝收視冠軍。
去年鄭入主台灣後，製作《香港亂噏》，盧海鵬扮周秀娜當街剝衫更加係經典。
何麗全吹雞閃
除了有線電視旗下的奇妙電視和王維基旗下的城市電訊外，李澤楷旗下的香港電視娛樂亦對來年的免費電視牌照志在必得，據知李澤楷已重金禮聘無綫高層何麗全過檔，而何麗全亦搵埋早前離職的錢國偉和現任無綫綜藝科經理陳家揚過檔，對此錢國偉只說：「我o依家喺北京，返嚟先再傾啦！」至於鄭偉強入主，於亞視曾跟過鄭搵食嘅現任無綫監製麥鎮東則說：「佢係一個好資深嘅製作人，佢坐乜位我唔知，我哋都係做製作啫！」
索乖女做 o靚模
除咗無綫高層梁家樹有個乖女梁靖琪（ Toby），因父之名成功拍戲外，原來鄭偉強亦有一名索乖女做 model。
現年 25歲的鄭文斯（ Mancy），喺加拿大浸過鹹水讀完大學返嚟，現簽了 Starz People為經理人，開正牌頭係楊梓瑤（ Carol）師妹，對於父親成為無綫高層，有老豆帶挈乖女更多機會亮相， Mancy則說：「我淨係知佢會返 TVB，我o依家主力做 model工作，仲未諗過叫爹哋帶挈我入 TVB。」
採訪、撰文：娛樂組
网易论坛，天天相伴
爬过多少座山坡 笑看日出日落
积分: 27997
发帖: 74841 篇
在线时长: 1006 小时
[FACE周刊第180期]大鉸剪 《義海》無情　法拉悶戲輸畀骨嫲棺材
我對自己好有信心！(真實對白)
被問到《義海》收視差，法拉就話：「收視我控制唔到！我對自己好有信心！」問佢係咪想攞獎，佢話：「唔係，我講演出啫！」
《義海》播咗兩星期，上週平均收視只得 31點，排骨仔敖嘉年夠慘、非凡哥麥包夠奸。劇中主角配角都彈起，惟獨第二女主角、今年視后大熱嘅陳法拉卻脫腳，同黃浩然首場（第 5集感情戲，法拉更濕身上陣），竟然係首週最差收視，只得 27點。為免悶親觀眾，監製李添勝更喺第 7集 cut走法拉 4場戲，寧願播骨嫲棺材，都唔出法拉談情戲。添哥仲話：「嗰場戲好貴唔 cut得 o架，我想畀觀眾知以前點做白事！」法拉慘輸骨嫲棺材，大吉利是！
法拉俾人 cut戲意難平，即使知道無數記者?實佢微博，依然喺微博呼冤，曾豪言「一世都唔放料！」嘅佢，今次喺微博都算另類放料。諸葛梓岐要學吓喇！
28歲陳法拉，今年劇接劇，但要數最有機會彈起，一定係《義海》入面晴晴呢個角色。劇中演大悲友身懷絕症，同第二男主角黃浩然有純愛感情線，之後又要為家人獻身日軍，超討好角色，等攞獎格局。
談情戲趕客
角色有發揮，唔等於觀眾接受。法拉喺《義海》第 5集（ 22日）首場講及黃浩然冒雨接送一幕感情戲，劇情超感人，可惜收視只得 27點。據劇組人員透露：「佢同黃浩然開段冇乜起伏，監製都驚觀眾叫悶 o架！」添哥亦手起刀落，喺第七集中 cut咗法拉 4場戲，其中三場更係佢同黃浩然首次過電戲分。 Cut戲法拉懵懵吓，要睇電視先知俾人「無情刀」，當晚即在微博抗議：「 Why？ Why？ Why？……那場超浪漫的！我快哭。」
感情戲趕客，上週五（第 10集）法拉同冬妮（江美儀）告別一幕更創新低 25點，不過法拉對收視看得淡，仲話對自己好有信心。
F：《 FACE》　陳：陳法拉
F：第 7集俾人 cut戲你嬲到喺微博發火喎！
陳：哦！我睇電視先知！我冇發火！我問過添哥係因為 duration（片長時間）問題啫！要減啲場口，咁當然有少少失望，因為每一場都係心血。
F：有你嘅戲分都收視差少少喎！
陳：收視我控制唔到！我對自己好有信心！
Cut走談情戲
戲中法拉患心漏症，雖然同黃浩然青梅竹馬，但一直唔敢示愛，拖拉幾集慘被刪戲。
演員好被動。(真實對白)
對於被 cut戲一事，黃浩然話：「我開頭唔覺，後尾睇到法拉喺微博咁講先知，演員好被動，當然唔想拍咗但出唔到街啦！」
第 7集骨嫲死後，原本有 3場戲分別講法拉見到骨嫲棺材好驚，跟住仲搵埋黃浩然出外定驚，點知被添哥 cut咗。
被刪對白曝光
仲有一場講法拉知道骨嫲死咗，之後跑去茶樓搵排骨，劇本寫該場戲得半頁紙，不過法拉就拍足兩日，佢自己都喺微博度爆料！
「之後唔會再 cut」
添哥亦話：「法拉做得好好，但嗰集係太長關係，所以被迫剪走，我拍骨嫲嗰場用咗成萬銀呀！好貴呀唔 cut得，同埋最重要我想觀眾了解當時佢哋點處理白事，之後唔會再 cut佢！（有親法拉收視都低喎！）唔關佢事，係因為太早（播）喇！ myTV爆晒燈呀！」爆燈都冇用！《讀心神探》姚 sir平均收視 32點，高《義》劇一點，唔該快啲轉時間播啦。
第 5集講法拉收工，遇到暴風雨，法拉濕晒身，但收視都係得 27點。
第 10集講法拉送別冬妮，竟然得全劇新低 25點。
場戲貴唔 cut得！
添哥強調之後戲分冇再 cut法拉任何戲，佢仲暗示收視一般係播映時間問題：「啲人都未返到屋企，我知 myTV爆晒燈，但係我冇能力改播映時間呀！」
集 7集　留棺材戲
第 7集監製添哥最緊張骨嫲死呢一幕。所以就算係片長關係，都冇將呢一場任何細節剪走。
就係為咗呢場送走骨嫲戲分，搞到法拉同黃浩然 3場談情戲冇咗！
骨嫲由特約演員許碧姬飾演，今年七十幾歲嘅佢，每次開工收 5百蚊，骨嫲年紀大但記性好，好多無綫監製都愛用佢。
遇襲事件惹罵戰
觀眾晚晚等睇《義海》劇情，但係排骨仔（敖嘉年）上週三（上月 27日）涉嫌被冼灝英掟杯襲擊事件一樣咁吸引，排骨仔堅稱：「好明顯見到冼師傅一拳打埋嚟。」而冼師傅就向傳媒透露：「一門無二師，我對佢好失望！」口同鼻拗，邊個先真？
向來老實唔扮嘢嘅冼師傅就得大班圈中徒弟力撐，馬國明本週一對本刊撐硬冼師傅：「知道單新聞都好愕然，佢（冼灝英）免費教我拳同棍，我哋晨早 6、 7點就到公園練武，佢教我哋做人要少是非，所以我信師傅！」連喺《義海》演非凡哥嘅麥包都有義氣寸爆敖嘉年：「我廿幾年前拜冼師傅，除咗學拳同棍，佢仲教埋做人道理，要以德服人，學武唔係用嚟打交，今次事件事我唔了解，但係我自己拜咗師就一定唔會轉另一個師傅，會好尷尬，呢啲人好冇道德！」
非凡哥關二哥上身，但有傳襲擊案係當晚在場嘅梁靖琪（ Toby）煽風點火，令場面升溫所致，週一（ 1日）致電排骨仔，佢就表示：「你喺邊度收番嚟？我唔回應啦，o依家有咁多不實報道，只希望件事快啲過！」而 Toby到截稿前仍未回覆！
徒弟有義氣
馬國明︰佢教我哋做人要少是非，所以我信師傅！
港男陳志健︰師傅個人好老正，佢教我哋做藝人要少啲是非，性格完全唔火爆，所以我會全力支持佢。
微博貼相撐
週一（ 1日）下午，麥包（左二）喺佢自己個微博就貼咗佢同一眾師弟與冼師傅（右四）茶聚相，以行動力撐師傅。
非凡哥暗插排骨仔︰呢啲人好冇道德！
《忽然 1周》圖片
本刊致電麥包，問有關遇襲事件，雖然佢即時話冇在場唔清楚事件，但又主動話拜師係一世，半路轉師好冇道德，說話有骨，暗寸敖嘉年，果然係非凡哥！
敖嘉年週一對本刊說：「事件已落咗口供，唔方便回應，但傷勢已經復元緊，o依家每晚接受推拿師治療，希望快啲好番。」
有傳因轉拜陳觀泰為師，辣?冼灝英而遭掟杯襲擊的排骨仔，週日（ 31日）左眼角仍貼住膠布，帶傷出席《義海》宣傳。但對遭襲案佢就改口話：「冼師傅份人好正能量。」
《義海》 15-18集高潮位
胡定欣跣法拉俾日軍搞
11月 28日會播映兩小時《義海》大結局，本週播到一半，講日本仔打到嚟廣州，搞到民不潦生，非凡哥（麥長青飾）出獄後糾黨四圍搶劫。第 16集，麗華（胡定欣飾）冒險出街俾日軍拉入橫巷，意圖強暴，千鈞一髮麗華扮肺癆，但就供出晴（陳法拉飾）匿埋地點，叫日軍去捉佢。
晴（陳法拉飾）因政局混亂，出街時要扮男兒身。
麗華（胡定欣飾）險被日軍拉入橫巷強姦。
劉醒救九妹決裂收場
日軍佔領廣州，向山（金剛飾）迫九妹（鄧萃雯飾）開鴉片煙館，搞到人人以為九妹係漢奸。第 18集，新煙館開張，九妹上台演說期間遇槍手埋伏，醒（黎耀祥飾）捨身撲上前相救，結果醒背脊肩膊中槍，向山就掩護九妹上車逃去。
醒養傷期間，向九妹埋怨因認識她後行衰運，九妹雖連聲說：「對不起！」但醒因自己受傷而連累妹妹晴留醫，不斷自責。最後九妹怕再連累醒，而提出絕交。
九妹（鄧萃雯飾）為新煙館開張致辭遇伏，幸醒（黎耀祥飾）奮不顧身相救。
九妹自責連累劉醒太多，而提出斷交。
日軍快將佔領廣州，九妹與醒等街坊難得有機會濟濟一堂暢飲，感觸說：「但願人長久，千里共嬋娟！」而成為《義》劇中段至尾段主角之間嘅經典金句。
採訪、撰文、攝影：娛樂組
14:02:18 被【】修改
网易论坛，天天相伴
爬过多少座山坡 笑看日出日落
积分: 27998
发帖: 74841 篇
在线时长: 1006 小时
[FACE周刊第180期]FBI File 曹敏莉睇得開
連咀六次後，張生忽然尷尬縮番入休息室，由得老婆一個擋駕，佢話：「我唔識講嘢！」
上週四（ 28日），港姐冠軍曹敏莉同半億身家嘅金融才俊張家傑喺四季酒店擺酒，筵開 19席。一對新人仲喺 FBI面前連咀五、六次。
影完一輪相， FBI就見到張生即刻縮沙入番房，兄弟團亦未見蹤影。曹敏莉自爆老公喺婚禮當日更如常返工：「佢今朝都仲返工做嘢，佢話信得過我安排好婚宴！」曹敏莉咁都睇得開，抵佢嫁到有錢老公喎。
應記者要求二人錫咗 5、 6次，錫到嘴到歪埋。
曹敏莉左手戴住 3卡訂婚鑽戒、右手戴住成粒波子咁大嘅珍珠戒指，恨死唔少港女。
撰文︰ FBI
攝影︰娛樂攝影組、娛樂突發組
報料熱線：
10:14:39 被【】修改
网易论坛，天天相伴
爬过多少座山坡 笑看日出日落
积分: 27999
发帖: 74841 篇
在线时长: 1006 小时
[FACE周刊第180期]FBI File 崔建邦猛料助手
上週三（ 27日）， Amigo喺電視城開醉駕記招，大崔建邦 4年， 35歲脹爆陸家俊（左）傍到實， Amigo接受訪問時，陸家俊仲聽實老細講咩，夠晒盡責！
「嘩，陸家俊我哋支持你！」唔係多得軟硬首〈廣播道 fans殺人事件〉，相信好多 80後都未聽過「陸家俊」呢個大名。
唔講唔知，原來陸家俊（傳已改名陸亨銘）係 90年新秀歌唱比賽亞軍，同屆仲有湯寶如，可惜簽過畀 Sony嘅佢冇乜 hit歌，只係曾經唱過《龍珠》主題曲，不過唔係你同我都哼得出嗰首「撒亞人生於這個地方，稱呼叫悟空」，而係另一個冇乜人記得嘅版本。事隔多年，上星期竟然俾 FBI喺電視城撞番佢，但佢唔係好似蔡楓華咁復出，而係做咗崔建邦助手！佢同 FBI講自己亦開咗間 model公司，不過公司名同有咩 model就唔肯再多講喇。
離遠(目及)實
幾乎冇紅過嘅陸家俊， 90年代曾經同張學友、張智霖等人齊齊以泳褲 look出騷。同o依家個發水麵包樣相比，陸家俊嗰陣真係 fit爆！
撰文： FBI
報料熱線：
10:11:06 被【】修改
网易论坛，天天相伴
爬过多少座山坡 笑看日出日落
积分: 28000
发帖: 74841 篇
在线时长: 1006 小时
[FACE周刊第180期]FBI File 呂慧儀玩 Pocket Frogs
明星多數鍾意用 iPhone apps同粉絲溝通，反而長腳蟹呂慧儀就比較有童真，大力推介免費 Pocket Frogs遊戲：「呢個青蛙 game好好玩 o架，得閒同佢玩吓沖吓涼，仲可以幫佢配種添！」
撰文︰ FBI
攝影︰娛樂攝影組、娛樂突發組
報料熱線：
网易论坛，天天相伴
爬过多少座山坡 笑看日出日落
积分: 28001
发帖: 74841 篇
在线时长: 1006 小时
[FACE周刊第180期]星座達人 愛情夢
11月 3至 9日預測：今個月的主題是占夢。首先象徵戀愛預感，就是白兔，當夢見自己吃白兔肉，即表示有戀愛運，更是提醒你的魅力已上升。羊代表吉祥，當男性夢見自己吃羊肉，暗示你將娶到好老婆；如女性夢見自己吃羊肉，象徵你魅力倍增，家庭運上升。白鴿象徵愛與和平，當夢見白鴿，表示你快將墮入愛河、熱戀人士更快將拉埋天窗。如你夢見自己捕魚，即暗示你好快有拖拍。
本週 NO. 1
天蠍座 24/10-22/11
今週屬達成夢想好機會，暢順日為 6、 7日，週末要開工的人，不妨向上司告知自己的願望，週末休息的人，不妨到自己夢想的居所參觀，雖然不會即時願望成真，但起碼有個目標讓你奮鬥；想結婚人士亦不妨到教堂一行或到婚紗鋪看婚紗，雖然不可即時結婚行禮，但你會朝着這個夢想積極努力，終有一天願望成真。
幸運日： 6、 7日一躍千里
黑仔日： 4、 5日大才小用
幸運物：格仔圖案
本週 NO. 2
雙魚座 20/2-20/3
週五，可能被挖角。預測週末如求婚、訂婚甚至結婚帶來幸福的開始。 3日作出新挑戰的機會多，如營業員會有拓展市場的大契機。預測單身人士於 3日會有艷遇，不妨到蘇豪一帶碰緣分，到時穿上茄士咩質地連身裙更可增強愛情運。 6、 7日與外國人有緣，不妨參加在外資公司工作的朋友所開的家庭聚會。健康方面，注意天氣轉涼導致傷風。
幸運日： 6、 7日遇千載難逢機會
黑仔日： 8、 9日責任重大難安寧
幸運物：經典金曲
本週 NO. 3
巨蟹座 22/6-22/7
愛情運極之旺盛。建議你於 6、 7日向愛侶表白、求婚或結婚，單身人士亦宜相睇，或托朋友介紹對象，今週屬魅力發放時期，切勿錯過機會。 3日預測收到邀請，但 4、 5日屬凶日，雖然現仍處於暢順月，可是好運勢時期亦會有凶日出現，到時切忌口出狂言，更要慎防猶豫不決。下週開始，更要核對好文件避免出錯。
幸運日： 6、 7日一擊即中
黑仔日： 4、 5日恐防不能畫龍點睛
幸運物：手提遊戲機
本週 NO. 4
金牛座 21/4-21/5
今週人緣運進入高峯，特別好的時期屬週末，參加朋友婚禮可能遇上命中人，如沒婚禮可參加，亦可選擇到朋友屋企開派對，如以上的約會都沒有，不妨自己搞家庭派對邀請朋友到家，說不定朋友會帶來一位你從未見過的人給你認識，如真的恨結婚，請不要怕醜。性格內斂的人，如不想參加派對，若從你家門向西方行，可能有艷遇。
幸運日： 3日出現成果
黑仔日： 8、 9日恐防醜事被揭
幸運物：長靴
白羊座 21/3-20/4
事物停滯不前，但別焦慮。 8、 9日屬吉日，重要工作宜於該 2日處理。週末注意與愛侶吵大鑊，原因可能係發現對方與前度仍有聯絡，或對方發現你與前度仍有通訊，為解除誤會，宜刪除前度的電郵地址，再者，你可能仍感到不安感，但切忌偷睇對方的電話通訊紀錄。健康方面，小心腰痛纏繞。
幸運日： 8、 9日與性感異性結緣
黑仔日： 3日恐怕犯重大錯誤
幸運物：喉糖
雙子座 22/5-21/6
整體運低迷，今月吉凶起伏激烈，要小心過渡。 3日屬凶日，別人的工作別多口加意見。 4、 5日屬吉日，宜執拾重要文件。今週健康運欠佳，週末宜多休息保養身子，有大食傾向的人，宜控制食量，工作狂的人，不妨抽空去按摩。今週意外運降臨，恐防滑倒，亦可能有煩惱，要多加注意。
幸運日： 4、 5日宜到海港城約會
黑仔日： 3日禍從口出
幸運物：毛巾
獅子座 23/7-23/8
現正處凶月，但運勢亦有好景時期。 6、 7日是下半年最大級厄日，週末要工作的人，小心有災難降臨，但無需慌張，暴風來臨，亦必有離開的一天，宜忍耐，急住要收復失地，恐怕最後兩頭唔到岸。既然事情已發生，別抱怨，宜等待時機再發圍。 4、 5日行中吉運， 8、 9日亦屬吉日，趁運勢好日子，宜將重要事情處理。
幸運日： 8、 9日船到橋頭自然直
黑仔日： 6、 7日四面受敵
幸運物：髮圈
處女座 24/8-23/9
運氣不俗，麻煩事宜於週末前清理好。預測週末會認識博學多才的男士，不妨多外出碰姻緣吧，尤其單身女士，不妨到展覽會一行，到時穿上 T恤形連身裙，更有助姻緣運上升，再者，提議你如到屋企附近的茶餐廳，宜穿上有剪裁可顯露你體型的衣物。健康方面，小心手指，手腕碰傷。
幸運日： 3日宜鞭策自己
黑仔日： 8、 9日凡事多阻滯
幸運物：長筒靴
天秤座 24/9-23/10
穩定的一週，但不需期待工作有新進展。下週愛情運大旺，建議你今週多扮靚增值自己。 3日宜做好足部保養。 4、 5日不妨改變髮型及護髮。 6、 7日宜做指甲保養， 8、 9日就做胸部護理，下週如有機會參加朋友婚禮，不妨穿上 V胸晚裝赴宴。故 4日至 7日有必要到美容院執靚自己，說不定有滿意的結果。
幸運日： 4、 5日付出物有所值
黑仔日： 3日可能墮進陷阱
幸運物：百褶裙
人馬座 23/11-22/12
因有意外運出現，今週難免有怒火，但只要忍一時之氣，之後便風平浪靜，盡量平心靜氣過渡吧！ 3日屬凶日。 4、 5日如跟拍檔一起工作，須事前溝通好。週末宜到天水圍接近大自然的地方吸收自然能量，亦宜去做 spa放鬆自己。 8、 9日工作繁多，但有發揮機會。至於愛情運，有機會遇上相處舒服的異性。
幸運日： 8、 9日水到渠成
黑仔日： 3日小心出錯
幸運物： 5隻腳趾形襪
山羊座 23/12-20/1
今週別期望過高。 3日有機會大躍進，你希望做的事會順利通過。 4、 5日屬凶日，工作上要慎重處理。週末人緣運佳，宜多與別人相處，特別是單身人士，下週起愛情運指數下降，如今週與朋友見面，盡量向對方講定想找戀人，說清楚擇偶條件。健康方面，小心出現雞眼或香港腳的煩惱，喜歡着靴的人要注意。
幸運日： 3日如魚得水
黑仔日： 4、 5日一波未平一波又起
幸運物：衫身與袖不同質地的衣物
水瓶座 21/1-19/2
處於凶月但因有運勢扶助，今週屬穩定的一週。 3日屬低迷運之日，恐防別人看不到的錯誤亦會暴露。 4、 5日屬吉日，宜執拾重要文件。週末是下半年最大級凶日，預料不到的事情將會發生，盡量避免外出，但留在家中亦可能有壞事發生，如遺失隱形眼鏡或跌爛眼鏡等事情。 8、 9日行中吉運，但可能受交通事故導致遲到，出門前，預多些時間比較好。
幸運日： 4、 5日工作上軌道
黑仔日： 6、 7日恐怕難逃虎口
幸運物：啟發思考書籍
本欄作者（洋名 Irene）
主力負責日本體育報紙《產經新聞報》每日星座運程，她亦曾是女性雜誌《女性自身》、《 JJ》時裝雜誌星座專欄家。 Irene曾算中世界盃優勝國家，甚至雅典、北京兩屆奧運會日本柔道選手的勝敗。現於《產經新聞報》（ /）裏的「每日占卜」、《 Fuji晚報》於逢週五刊載的「 Irene之占星術&風水」及《女性自身》中「一摘千金占卜」撰寫專欄。她的個人網頁中（ http://irene.ne.jp/blog）亦每日 update她的「 Lucky Lunch」連載。
註： 12星座因為派別學說的問題，在日期上的區分有一天差異，如你剛巧誕生在邊界日期，不妨把前後兩個星座運程預測作參考。
統籌：黃興健
翻譯：何家文
网易论坛，天天相伴
爬过多少座山坡 笑看日出日落
下次自动登录
每30秒自动保存一次内容
中东味十足
24小时热帖榜
下次自动登录}